Ein Gwaith
Cymru a Lesotho
Gwneud Cyfraniad
Cymryd Rhan
Mae Cymru a Lesotho yn wledydd sydd â byd o wahaniaeth rhyngddynt – ond sydd â chymaint yn gyffredin. Gwerthoedd a rennir, straeon gwych a phobl y mae eu cynhesrwydd yn disgleirio
Yma rydym yn taflu goleuni ar ein gwaith i gael cipolwg ar yr hyn y gellir ei gyflawni. O hyfforddiant iechyd meddwl i rygbi i sicrhau bod dysgwyr yn cael llais a dealltwriaeth gref. Pynciau gwahanol, a’r cwbl yn gymorth i gyflawni dyfodol disgleiriach.
Mae athrawon a darlithwyr o Gymru a Lesotho yn cydweithio i wella dealltwriaeth a phrofiad dysgwyr yn y ddwy wlad. Mae sgiliau digidol newydd wedi’u dysgu ar draws y bwrdd.
Cerdded y Daith Fyd-eang
Mae’r prosiect hwn wedi dwyn ynghyd pobl ifanc ar draws 12 gwlad yn Ewrop i gydweithio i gyflawni Nodau Datblygiad Cynaliadwy y Cenhedloedd Unedig yn eu cymunedau lleol. Cynrychiolir Cymru gan Gyngor Sir Gâr sy’n gweithio mewn partneriaeth â Dolen.
Ymateb i COVID
Mae Dolen wedi cael tri grant i gefnogi’r Ymateb Brys i COVID yn Lesotho yn y meysydd canlynol:
- Meddygon ar y Rhaglen Hyfforddi Meddygaeth Deuluol
- Clwb Gwnïo yn Thaba Tseka
- Rhaglen addysg dal i fyny
Mae rhoi’r flaenoriaeth haeddiannol i iechyd meddwl gwael yn broblem ym mhob cwr o’r byd. Mae gwirfoddolwyr Dolen wedi defnyddio rhaglen mhGap (Bwlch Iechyd Meddwl) Sefydliad Iechyd y Byd i gefnogi arbenigwyr iechyd yn Lesotho i roi diagnosis ac ymdrin â’u cleifion mewn modd dichonadwy.
Mae diffyg mynediad at ddŵr a glanweithdra diogel yn atal nifer o bobl yn Lesotho rhag cyflawni eu potensial – i gael addysg, byw bywyd iach a bod yn ddiogel yn ariannol. Gall camau syml newid bywyd plentyn.
Hyfforddiant Cymorth Cyntaf
Daeth Dolen a Sefydliad y Groes Goch yn Lesotho at ei gilydd i ddarparu hyfforddiant Cymorth Cyntaf sylfaenol i’r heddlu a swyddogion cywiro lleol yn Thaba Tseka. Oherwydd y pandemig, rhannwyd adnoddau ar-lein i gyrraedd grŵp ehangach o bobl.
Mae Academi Rygbi Lesotho yn cyflwyno pobl ifanc mewn ysgolion i rygbi. Fel rhan o’r rhaglen, mae hyfforddwyr yn cyfleu negeseuon pwysig ynghylch gwahanol agweddau ar fyw’n iach i’r cyfranogwyr.
Ers 1985, mae miloedd o blant ledled Cymru a Lesotho wedi dysgu gwersi gwerthfawr ynghylch beth mae bod yn ddinesydd byd-eang yn ei olygu, gyda chymorth Dolen Cymru. Plant yn cael cyfle i ofyn i athrawon ym mhen draw’r byd, wyneb yn wyneb, sut beth yw bywyd iddynt hwy a’u dysgwyr.
