Cysylltu Ysgolion

Cysylltu Ysgolion

Rydym wedi sefydlu a chynnal cannoedd o gysylltiadau ysgolion ledled Cymru a Lesotho dros y blynyddoedd, gan gyrraedd dros 40,000 o ddisgyblion. Bydd sawl ysgol yn tystio bod y partneriaethau hyn wedi bod o gymorth i ddod â dysgu byd-eang yn fyw yn eu dosbarthiadau ac wedi’u caniatáu i fagu perthnasoedd cynaliadwy, cyfoethog, sydd o fudd i’r ddwy ochr. Gallwn gefnogi eich prosiect cwricwlwm neu ddigwyddiad dysgu thematig, dod o hyd i ysgol bartner i chi, darparu hyfforddiant i athrawon a’ch cynorthwyo chi i wneud cais am ragor o gyllid.

Ar hyn o bryd, mae Cysylltu Dosbarthiadau y British Council drwy’r Rhaglen Dysgu Byd-eang yn ariannu 9 clwstwr sy’n cwmpasu 43 o ysgolion a 83 o athrawon yn uniongyrchol. Mae’r cyllid hwn yn cynnwys hyfforddiant i athrawon, prosiectau ar y cyd disgybl i ddisgybl, ymweliadau â’r ddwy ochr a dathliadau. Oherwydd COVID-19, mae’r prosiectau hyn yn cael eu cynnal yn rhithiol ond yn dal i fod yn gynhyrchiol a buddiol.

Gall eich ysgol chi ymgysylltu â hyn am £20

Cysylltwch â’n Swyddog Addysg yma

i gael rhagor o wybodaeth ynghylch sut allwch archwilio’r Nodau Byd-eang neu gysylltu eich ysgol.