Gemma Gannon

Pan oedd Gemma yn 10 oed cafodd gyfle anhygoel i ymweld â Tanzania ar raglen lleoliad athro gyda’i mam a’i chwaer. Yn 2008, ar ôl blwyddyn lwyddiannus fel cyd-lysgennad arweiniol yn City Academy Bristol, dyfarnwyd y myfyriwr mwyaf trefnus i Gemma, sgil y mae wedi’i gymryd i mewn i’w gyrfa fel athrawes ysgol gynradd. Ar hyn o bryd mae Gemma yn gweithio’n rhan amser mewn ysgol yng Nghaerdydd. Ar ôl graddio cwblhaodd radd meistr mewn ymarfer addysgol. Yn 2024, pan ddaeth y cyfle i weithio yn Dolen Cymru fel cynorthwyydd personol, roedd yn teimlo fel ffit perffaith i gyfuno ei phrofiadau blaenorol. Mae wedi bod yn hyfryd cael ein croesawu i deulu Dolen. Am hwyl mae Gemma yn mwynhau posau, crefftio, gwersylla a theithiau i’r traeth.

Fy enw i yw Khosi Mofolisa. Rydw i’n athro cynradd cymwysedig o’r Deyrnas yn yr Awyr, Lesotho. Rydw i’n Hyfforddwr Jolly Phonics Swyddogol ac yn Swyddog Llythrennedd rhan-amser i Dolen Cymru. Fy nyletswyddau yw sicrhau bod athrawon Lesotho yn addysgu llythrennedd i blant mewn modd effeithiol o flynyddoedd cynnar eu bywydau. Dechreuais weithio gyda Dolen ar brosiect WASH, ac yn ystod COVID-19 cefais fy nghomisiynu i greu sioeau radio i blant yn ystod y cyfnod clo. Yn ddiweddar, ymwelais â Chymru fel rhan o Raglen Lleoliadau Athrawon British Council Cymru.

Astudiodd Andrea Gemeg ym Mhrifysgol Bryste a dechreuodd ei gyrfa fel Cemegydd oddi mewn i ddiwydiant gweithgynhyrchu lleol yn y Barri, lle bu’n gweithio am 36 mlynedd. Drwy gydol ei gyrfa, mae Andrea wedi mynd i’r afael â sawl rôl, ond yn ddiweddar daeth yn rheolwr cadwyn gyflenwi’r DU, gan dywys y busnes trwy heriau diweddar Covid a Brexit. Yn ystod cyfnodau cynnar ei gyrfa bu Andrea yn hyrwyddo gyrfaoedd yn y byd diwydiant mewn ysgolion lleol trwy gyfrwng rhaglenni a gâi eu rhedeg gan CRAC (Careers Research & Advisory Centre).

Ymunodd Andrea â Dolen ym mis Rhagfyr 2022 fel Swyddog Cyllid a Gweinyddu rhan-amser. Mae hi’n cael blas mawr ar ddysgu rôl newydd ac mae tîm Dolen wedi estyn croeso cynnes iddi, yng Nghymru ac yn Lesotho.

Yn ei hamser hamdden, mae Andrea yn mwynhau cerdded a chwarae tennis, ac mae hi’n danbaid dros chwaraeon dŵr yn cynnwys bordhwylio a phadlfyrddio sefyll pan fydd y tywydd yn caniatáu.