Dŵr, Glanweithdra a Hylendid (WASH)
Gwneud Cyfraniad
Cymryd Rhan
Dŵr, Glanweithdra a Hylendid (WASH)
Mae troi tap i olchi’ch dwylo yn rhywbeth yr ydym yn ei gymryd yn ganiataol yng Nghymru a’r DU. Roedd golchi ein dwylo yn rheolaidd yn ystod pandemig COVID yn rhywbeth yr oedd rhaid i ni gofio ei wneud. Nid gwaith beichus…
Ond beth pe na fyddai dŵr yn ymyl eich cartref neu ysgol?
Hyd yn oed cyn y pandemig nid oedd nifer o blant yn Lesotho yn gallu cael mynediad at yr hawl dynol sylfaenol hwn, sef mynediad at ddŵr diogel a glanweithdra. Hyd yn oed deng mlynedd ar ôl i’r Cenhedloedd Unedig ddatgan hwn yn hawl dynol, mae plant yn colli allan ar addysg a chyfleoedd mewn bywyd, oherwydd na allant olchi eu dwylo yn briodol na chael mynediad at doiledau glân.
Mae Dolen yn gweithio gyda phartneriaid yn Lesotho i addysgu cymunedau ynghylch pwysigrwydd golchi dwylo ar gyfer bywydau iach. Mae arbenigwyr lleol yn helpu ysgolion a chymunedau i osod ac adeiladu eu tapiau eu hunain.
