Rhai o’r pethau sydd wedi digwydd ers 1985:

• Mae cyswllt wedi ei ffurfio rhwng dros 130 o ysgolion trwy Gymru a Lesotho trwy gyfrwng rhaglen cysylltu ysgolion Dolen Cymru, gan gyrraedd dros 40,000 o blant yng Nghymru.

• Trwy ymweld â gwledydd ei gilydd gall athrawon a disgyblion o bob ysgol yng Nghymru a Lesotho dreulio o leiaf wythnos yn eu hysgol gyswllt, gan gyfnewid arferion dysgu.

• Ers 2005 mae dros 50 o athrawon wedi bod yn Lesotho trwy ein Rhaglen Lleoli Athrawon yn Lesotho, ac mae eu gwaith yn hanfodol i addysg y plant trwy’r wlad.

• Mae nifer o sefydliadau wedi cymryd rhan i godi arian ar gyfer gwahanol brosiectau yn Lesotho.  Lansiodd Merched y Wawr ymgyrch gwau noddedig gan godi dros £13,000 i Lesotho. Hefyd cyhoeddwyd llyfr ganddynt yn llawn straeon o Gymru a Lesotho yn dwyn y teitl "Y Ddolen Air - Straeon o Gymru a Lesotho."

• Mae arweinwyr eglwysi o Gymru a Lesotho wedi cymryd rhan mewn rhaglenni cyfnewid.

• Yn 1999 dechreuwyd gefeillio trefi a chafodd Tŷ Ddewi ei gefeillio â Matsieng yn Lesotho.

• Mae Dolen Cymru wedi trefnu nifer o leoliadau dewisol ar gyfer myfyrwyr meddygol o Gymru mewn ysbytai yn Lesotho, a darparwyd hyfforddiant i staff iechyd Lesotho yng Nghymru. Yn 2003 cyrhaeddodd 12 o wirfoddolwyr o Gymru yn Lesotho.

• Yn 2007 penodwyd y Tywysog Harry yn Noddwr Dolen Cymru