<!-- /* Font Definitions */ @font-face {font-family:"Cambria Math"; panose-1:2 4 5 3 5 4 6 3 2 4; mso-font-charset:0; mso-generic-font-family:roman; mso-font-pitch:variable; mso-font-signature:-1610611985 1107304683 0 0 159 0;} /* Style Definitions */ p.MsoNormal, li.MsoNormal, div.MsoNormal {mso-style-unhide:no; mso-style-qformat:yes; mso-style-parent:""; margin:0cm; margin-bottom:.0001pt; mso-pagination:widow-orphan; font-size:12.0pt; font-family:"Times New Roman","serif"; mso-fareast-font-family:"Times New Roman";} .MsoChpDefault {mso-style-type:export-only; mso-default-props:yes; font-size:10.0pt; mso-ansi-font-size:10.0pt; mso-bidi-font-size:10.0pt;} @page Section1 {size:612.0pt 792.0pt; margin:72.0pt 72.0pt 72.0pt 72.0pt; mso-header-margin:36.0pt; mso-footer-margin:36.0pt; mso-paper-source:0;} div.Section1 {page:Section1;} -->

Bydd dydd Mercher 12 Tachwedd yn gweld Ei Fawrhydi, Brenin Letsie III o Lesotho yn cyrraedd ar ei ymweliad cyntaf â Chymru ac mae’r elusen o Gymru, Dolen Cymru yn falch iawn o groesawu Ei Fawrhydi i’r wlad ar yr achlysur arbennig hwn.

Bydd rhan sylweddol o ymweliad Ei Fawrhydi yn canolbwyntio ar y cysylltiadau addysgol rhwng Cymru a Lesotho sydd wedi cael eu creu gan Dolen Cymru drwy eu rhaglenni addysgol niferus.

Bydd Ei Fawrhydi yn ymweld â nifer o ysgolion yng Nghymru sy’n gysylltiedig ag ysgolion yn Lesotho, gan gynnwys Ysgol Uwchradd St Cenydd ac Ysgol Gynradd Trewen. Bydd Ei Fawrhydi Brenin Letsie III hefyd yn cyfarfod â John Griffiths AC, y Gweinidog Sgiliau yn yr adran plant, addysg a dysgu gydol oes i glywed pam mae’r cyswllt addysg mor hanfodol i waith Dolen Cymru.

Mae rhaglen gysylltu ysgolion Dolen Cymru yn caniatáu i ddisgyblion o’r ddwy wlad astudio a dysgu am eu diwylliannau ei gilydd ac mae ei llwyddiant wedi bod heb ei ail. Mae Ysgol Uwchradd St Cenydd yn enghraifft ragorol o ysgol wedi’i gefeillio yng Nghymru. Arweiniodd grant tair blynedd gan y Cyngor Prydeinig at anfon dau athro a disgybl o Ysgol Uwchradd St Cenydd bob blwyddyn i’w hysgol gyswllt, Mount Royal, yn Lesotho. Mae arfer addysgol a datblygiad proffesiynol staff yn y ddwy wlad wedi gwella’n aruthrol diolch i’r cyswllt, gan fod sgiliau a thechnegau addysgol wedi cael eu cyfnewid.

Tra bydd yng Nghymru, bydd Ei Fawrhydi Brenin Letsie III hefyd yn ymweld â phrosiect Mencap Rhydaman. Bydd ef yn ymweld â’r ganolfan 2Activ8, rhan o Fudiad ehangach Mencap sy’n darparu cyfleoedd hyfforddi i bobl anabl yn Rhydaman, i gyfarfod â phobl anabl sy’n gweithio yn y ganolfan a sylfaenydd yr elusen.

Nodiadau i Olygyddion

Dolen Cymru

Mae Dolen Cymru - Wales Lesotho Link - yn elusen o Gymru a sefydlwyd yn y Swyddfa Gymreig ym 1985 a hon fu’r enghraifft gyntaf o efeillio gwlad a gwlad yn y byd.  Mae Dolen Cymru yn hyrwyddo gweithgareddau sy’n cysylltu mudiadau iechyd, ysgolion, pentrefi, ardaloedd, ac eglwysi yng Nghymru ac yn Lesotho.

Apêl 25

Nod Apêl 25 yw codi £250,000 erbyn 2010, sef pen-blwydd Dolen Cymru yn 25 oed, i adeiladu, cyfarparu a chefnogi canolfan hyfforddi a diwylliannol fodern yn Lesotho. Helpwch Dolen Cymru i gyrraedd ein nod o sicrhau’r cyfleuster hyfforddi hwn, a fydd yn cynnig cefnogaeth fawr ei hangen tuag at ddatblygu sgiliau i bobl Lesotho, gan adeiladu ar eu gallu a’u helpu nhw i helpu eu hunain.

Bydd rhaglenni hyfforddi’n cynnwys sgiliau cyfrifiadurol, cyrsiau rheoli, sgiliau byw’n annibynnol a sgiliau garddwriaethol. Bydd ein cyfleusterau o fewn cyrraedd y bobl fwyaf agored i niwed yn Lesotho. Yn benodol, bydd sesiynau hyfforddi’n cael eu teilwra i ateb anghenion pobl anabl, gan ganiatáu iddynt ennill sgiliau gwerthfawr a’u galluogi nhw i sicrhau cyfleoedd gwaith.